Azərbaycan Azot Gübrəsinin Ixracını Artırıb

Bu ilin yanvar-sentyabr aylarında Azərbaycan 426 910.77 ton azot gübrəsi ixrac edərək 131 milyon 886 min dollar gəlir əldə edib. Oxu.Az Dövlət Gömrük Komitəsinə istinadən xəbər verir ki, ötən ilin eyni dövründə ixrac olunan azot gübrəsinin həcmi 408 639 ton, dəyəri isə 89 milyon 938 min dollar təşkil edirdi. Beləliklə, ixrac həcmi 18 272 ton və ya 4.5%, ixracın dəyəri isə 41 milyon 948 min dollar və ya 46.6 faiz artıb.